مناوي: السودان ليس “سيجارة بنقو” او “رصيد بالبنك”

الخرطوم : سودانية 24 لايف

قال حاكم دارفور مني اركو مناوي ان السودان ليس سيجارة بنقو او رصيد في البنك او خمرة وانما هو السودان هو العزة والكرامة والشموخ .
واكد خلال مخاطبته الاعتصام امام القصر الجمهوري ان على اصحاب النزعة العنصرية عليهم ان “يبلوها ويشربوا مويتها” مشيرا الي تنوع الموجودين في هذا الاعتصام من مختلف السحنات السودانية ومختلف المناطق .
وقال ان الذين يصفوكم بالديكتاتورية هم دكتاتوريين ومافي واحد يستطيع ان يدعي بان هذا البلد اكثر وطنية منكم وانتم مواطين سودانيين لكم حقوقكم وعليكم واجبات .
واكد عدم رفضهم قيام الانتخابات وانهم جاهزون وقال مافي انتخابات بتزوير القوانين او ايدولوجيات او تزوير وقال اننا نرفض فرض الرأي على الاخرين مشيرا الي ان السودان في حاجة الي دستور وميثاق ويريد معرفة موارده وعائداتها من فول وسمسم ومحاصيل اخري .
ورحب بالوفود التي انضمت الي ساحة الاعتصام من مختلف الولايات